Hidrogenoa funtsezkoa energia-bektorea da trantsizio energetikoan, bereziki elektrifikatzen zailak diren sektore eta prozesuetan

Hidrogeno berdearen papera funtsezkoa da trantsizio energetikoan Energia berriztagarrietatik dator, eta alor eta sektore asko deskarbonizatzeko balio du: industria kimikoa (lehengaia da); karbono dioxidoa aireratzen duten industria-sektoreak (altzairutegiak, findegiak, zementu-fabrikak); garraioa eta mugikortasuna; bizilekuak eta hirugarren sektorea; eta energia masiboki garraiatu eta epe luzean metatzeko, besteak beste.

TECNALIAn, hidrogenoaren erronka handiei aurre egiteko soluzio teknologikoak garatzen ditugu: Karbono gutxiko (low carbon) hidrogenoa eskala handian eta kostu lehiakorrean sortzea; garraio- eta banaketa-azpiegiturak egokitzea; prozesuak eta sistemak azken erabilerarako egokitzea.

Hidrogenoaren Zentro Nazionalarekin dugun aliantza sendotu egin dugu, hidrogenoaren balio-kate osoan teknologia giltzarri berriak garatzeko. Aliantza horretan, alor hauek sustatzen ditugu: hidrogeno garbiaren sorkuntza, hidrogenoa garraiatzeko azpiegitura berriak martxan jartzea eta hidrogenoa erabili ahal izateko prozesu berriak.

Ekimenak

• ARENHA proiektuak energia modu seguru, malgu eta errentagarrian metatzeko eta erabiltzeko amoniako berdea erabiltzea aztertzen du.
• MEMBER hidrogenoa ekoizteko prototipo bat garatzen eta probatzen ari da, karbono dioxidoa atzemateko sistema integratua duena.
• MACBETH proiektuak ingurune adierazgarri batean probatu nahi ditu mintz-erreaktoreen prototipo batzuk, biogas eraldatutik eta gas naturaletik abiatuta hidrogenoa sortzeko.
• HIGGS proiektuaren ardatza, berriz, gas naturalaren sarea erabiltzea da, iturri berriztagarrietatik lortutako hidrogenoa injektatzeko eta gero handik bereizteko. Proiektuan, halaber, kontuan hartzen da zer portaera duten garraio-sarearen materialek eta osagaiek hidrogenoaren eta gas naturalaren nahasteekin kontaktuan daudenean.
• SINATRAH proiektuan, hidrogenoa gas naturalaren sarearen bidez banatzea eta ondoren araztea aztertzen ari dira, eta, halaber, hidrogenoaren erabilera efizientea aplikazio industrial jasangarrietan.
• HAEOLUS proiektuan, parke eoliko batek sortutako energia hidrogeno gisa metatzea eta sare elektrikoan integratzea aztertzen ari dira.
• H2SITE Eindhovengo Unibertsitateak eta Engie Frantziako multinazionalak osatzen dute, eta EAEn du egoitza. Mintz-erreaktoreen teknologian oinarrituta purutasun handiko hidrogenoaren sorkuntza banatuko sistemak garatzera bideratua dago.

Hidrogenoaren Agenda

Ekain Fernández izango da “Hidrogenoaren Agenda” ekitaldiaren moderatzailea. TECNALIAko Hidrogenoen Teknologien arduraduna da, Hidrogenoaren Banaketako batzorde teknikoaren koordinatzailea eta Hydrogen Europe Research ikerketako batzorde exekutiboko kidea. Hidrogenoaren bide-orria azalduko digu Jose Luis Cabo Sánchezek (Trantsizio Ekologikoko eta Erronka Demografikoko Ministerioa).

Han izango dira gurekin Javier Brey AeH2 Hidrogenoaren Espainiako Elkarteko lehendakaria eta Fernando Palacín Hidrogenoaren Teknologia Berrien Garapenerako Aragoiko Fundazioaren zuzendari nagusia ere.

Informazio gehiago

Analisten arabera, munduko energia-eskaeraren % 24 hidrogenoarekin ase beharko litzateke 2050. urterako (urtean 630.000 milioi euro inguruko salmentak), eta helburu hori lortzen laguntzeko gure aletxoa jarri nahi dugu horrela.

• Hidrogeno Serieak: Hidrogenoaren Agenda