22aza.
Berria
Datu-espazioetan berrikuntzak egiten ditugu segurtasuna hobetzeko
Erronka teknologikoak ebazten laguntzen duten soluzio berritzaileak
Elektronika inprimatua, elektronika malgua eta elektronika organikoa izenak teknologia berritzaile bat deskribatzeko erabiltzen dira. Teknologia horren oinarrian, plastiko eroaleak eta xaflen gainean inprimatzen diren tinta polimerikoak daude. Pantaila bereziki finak eta sentikorrak, sentsoreak eta mintz luminiszenteak lortzen dira haren bidez, besteak beste.
Inprimatutako osagai elektronikoak polimero eroaleak eta tintak dira; paperean, beiran edo oihalean inprima daitezke, azalera handietan eta diru gutxiren truke. Elektronika arruntaren aldean, osagai elektroniko horiek abantaila hauek eskaintzen dituzte: oso finak, malguak eta gardenak dira.
Hainbat aplikazio dituzte, hala nola honako hauek: kontsumo-elektronika, bilgarriak, automobilgintza, produktu farmazeutikoak, energia eta linea zuriko produktuak. Produktu berritzaileak lortzen ditugu; besteak beste, ukimen-sentsoreak, pantaila malguak, eguzki-zelulak, mintz luminiszenteak eta etiketa adimendunak.
LOPEC 2019n, elektronika inprimatuaren Europako azokan, inprimatze funtzionalaren eta elektronika inprimatuaren arloko teknologia berriak aurkeztu ditugu, baita era honetako elementuetan beharrezkoak diren lotura-prozesu aurreratuak ere; horiek guztiak gure bezeroekin elkarlanean garatu eta landu ditugu.
