"Jatorri biologikoko produktuek onurak ekartzen dizkiote ingurumenari, baliabide fosilekiko mendekotasuna (petrolioa eta gasa, besteak beste) murrizten dutelako"
TECNALIA eragile nagusietako bat da konposatu biooinarrituak prozesatzen eta doitzen
TECNALIAn ibilgailu elektrikoen bateria-karkasetarako material konposatu biooinarrituak prozesatzen eta doitzen lan egiten dugu. BIOntier europar ekimenaren eragile nagusietako bat gara. Ekimen hori funtsezko urratsa da Europako industria eraldatu eta ingurumen-erronka eta desafio ekonomiko larrienak konpontzeko diseinatuak dauden oinarri biologikoko material konposatu jasangarri eta zirkularrak sortzeko.
Jatorri biologikoko produktuek onurak ekartzen dizkiote ingurumenari, baliabide fosilekiko mendekotasuna (petrolioa eta gasa, besteak beste) murrizten dutelako. Horregatik, funtsezko zeregina dute ekonomia zirkular eta erresilienteago bateranzko trantsizioan. Trantsizio hori funtsezkoa da klima-aldaketa moteltzeko eta Europan industria ekologikoagoa eta lehiakorragoa sustatzeko.
Caprocast teknologia
Caprocast teknologiak eraldaketa kimikoko prozesu aurreratuak erabiltzen ditu osagai jasangarriagoak kostu lehiakorragoan sortzeko. Ekimenaren emaitzek, Europako industriaren sektore giltzarri batzuen lehiakortasuna indartu ez ezik (automozioarena, kasurako), EBko autonomia estrategikoa hobetzen laguntzen dute.
Garapen horrekin, ibilgailu elektrikoen fabrikatzaileek soluzio ekologikoagoak eta jasangarriagoak izango dituzte bateria-sortako osagaiak prozesatzeko. Hala, Europan industria berdeagoa eta lehiakorragoa garatzen lagunduko dute.
