"Joan den martxoaren 14an TECNALIAren Partaidetzapeko Enpresen IX. Topaketa izan zen, TECNALIA Venturesek antolatuta (TECNALIAren Deeptech Venture Builderrak)”
TECNALIA Venturesek antolatuta egin da TECNALIAko Partaidetzapeko Enpresen IX. Topaketa, eta ekintzailetza- eta inbertsio-ekosistemako 60 ordezkari bildu ditu
Joan den martxoaren 14an, ostegunean, TECNALIAren Partaidetzapeko Enpresen IX. Topaketa izan zen, TECNALIA Venturesek antolatuta (TECNALIAren Deeptech Venture Builderrak). Ekitaldia Kursaalean (Donostia) egin zen, eta TECNALIAko ekintzailetza- eta inbertsio-ekosistemako 60 bat ordezkari bertaratu ziren.
- Lehenengo blokean, TECNALIAko zuzendari nagusi Jesús Valerok eta Gipuzkoako Foru Aldundiko Berrikuntzako zuzendari nagusi Jon Gurrutxagak ongietorria eman zuten, eta topaketari ekin zioten.
- Jarraian, Asier Rufinok, TECNALIA Ventureseko CEOak, TECNALIA Venturesen 2023ko mugarriak aurkeztu zituen.
- Julia Palomok, Banco Santanderreko Euskadiko startupen eta scaleupen arduradunak, eta Javier Serranok, Banco Santanderreko startupen Negozio Garapenaren arduradunak, Santander Startups ekimenaren bilakaeraren eta kasu arrakastatsuen berri eman zuten.
TECNALIAren partaidetzapeko deeptecheko startup eta take away berriak.
Bigarren blokean, TECNALIAren partaidetzapeko deeptecheko hiru startupak aurkeztu ziren: Veltis Rating (Ricardo Antuña CEOak), Solarcraft (Jon Lasa bazkideak) eta Intellialert (Jagoba Lupiola CEOak).
Gainera, Haritz Zabaletak, Fesia Technologyko CEOak, eta Lluís Chicok,Neos Surgeryko CEOak, nazioarteko partnerrekin akordio komertzialak kudeatzen izandako esperientziak azaldu zituzten.
Bestalde, Marta Gonzálezek, TECNALIAko Ventures Digitaleko arduradunak, Adrián NoguerokGo4Iteko CEOak, eta Ricardo Antuñak, Veltis Ratingeko CEOak, adimen artifizialaren ikuspegiei buruzko mahai-inguru bat gidatu zuten.
Inspirazio-multzoa
Hirugarren blokean, Pilar Carratok,CDTIko Ekonomia eta Finantzako zuzendariak eta Andrés Ubiernak, CDTIko Enpresa Teknologikoen Kapitalizazioko arduradunak, Innvierte programa aurkeztu zuten.
Era berean, Ignacio Azpiazuk, HUB Advisory Partnerseko Managing Partnerrak, gobernantza produktibo eta ordenaturako gakoak nabarmendu zituen; eta Rodrigo Roderok, nazioarteko logistikan adituak, negozioaren garapeneko estrategia logistikoari buruzko bere ikuspegia azaldu zuen.
