Hainbat teknologiatan eta haien hibridazioan oinarrituta (itsasgarrien bidezko lotura, laser bidezko lotura, VCSEL lotura, lotura mekanikoa —pop-riveting errematxea, “self pierce riveting” errematxaketa—, deformazio bidezko lotura, etab.) material anitzeko loturetarako (metala-metala, metala-konpositea) soluzio aurreratuak garatzeko laborategien multzoa.
Kokapena
Deskribapena
Prozesuko fase guztiak sartzen dira laborategietan: materialen bateragarritasuna, junturen eta materialen karakterizazioa, prozesuen simulazioa, gainazalaren funtzionaltasuna erresistentzia hobetzeko, lotura-metodo egokia inplementatzea, parametro esanguratsu nagusiak ikuskatu eta kontrolatzea, etab.
Hona hemen laborategietako ekipamendu garrantzitsuena:
- Material anitzeko osagaiak laser bidez lotzeko zelula robotikoa: 3,1 kW-eko diodo-laserra, fokuratzeko hainbat optikarekin; Fanuc robota; junturak karakterizatzeko euskailuak (zizaila, trakzio gurutzatuarekiko erresistentzia, zuritzea); 3Dko geometriak lotzeko end-effector malgua; zirkuitu itxiko gainbegiratze- eta kontrol-sistema.
- Material anitzeko osagaiak mekanikoki lotzeko zelula (errematxaketa serboelektrikorako G1.6 sistema eta 80 kN-era bitarteko errematxaketa-indarretarako C-formako bastidorea).
- VCSEL teknologian oinarrituta material anitzeko osagaiak lotzeko zelula: 4,8 kW-eko potentzia handiko VCSEL modulua, zirkuitu itxiko tenperatura kontrolatzeko sistema.
Nori zuzendua
- Automobilgintzako osagaien fabrikatzaileak: OEM, TIER1, TIER2.
- Egitura eta azpisistema aeronautikoen fabrikatzaileak.
- Oro har egiturazko elementu aurreratuen fabrikatzaileak.
