"Esparru hau kode irekikoa izango da erabat, eta berariaz diseinatuta egongo da Europan inplementatu eta hedatzeko"
Edge gailuen arteko lankidetza deszentralizatu eta segururako kode irekiko programazio-esparru bat garatzen ari gara.
Gure helburua da Edge gailuen arteko lankidetza deszentralizatu eta segururako kode irekiko programazio-esparru bat garatzea. Horretarako, teknologia aurreratuak erabiltzen ditugu, hala nola adimen artifizialeko eta ikaskuntza automatikoko azeleragailuak (FPGA, SNN, Quantum…), bai eta pribatutasuna bermatzen duen gailu-identifikatzaileak federatzeko prozesu bat ere.
Hodeiko konputazioak izaera banatua eta heterogeneoa badu ere, orain arte ez dira behar bezala garatu kudeaketa-esparru irekiak. Gaur egungo irtenbideek, hala nola core/edge kudeaketa hibridoko aukerek, mugak dituzte, eta ez dira egokiak hedapen pribatuetarako.
Irisgarritasuna funtsezko bihurtu da, bereziki ikertzaileentzat, erabiltzaile-interfaze intuitiboak behar baitituzte datuak kudeatzeko eta ikaskuntza automatikoko/adimen artifizialeko algoritmoak hautatzeko eta optimizatzeko. Zoritxarrez, Edge antolatze-konponbideek oraindik ez diote behar bezala heldu alderdi horri.
Azpiegitura zentralak gailu adimendunekin integratzea
OASEES ekimenak helburu du soluzio integral bat garatzea, azpiegitura zentralak zein gailu adimendunak bateratzen dituena. Helburu horri esker, ahalik eta gehien aprobetxatu ahal izango da Edge nodoetako prozesatze-potentziala. Horrela, egungo soluzioen mugak gaindituko ditu, eta erantzun eraginkorragoa emango zaie erabiltzaileen beharrei, bereziki datuen eta algoritmoen eskuragarritasunari eta kudeaketa efizienteari dagokienez.
Erabilera-kasuak
- E-Health: proiektu pilotu honen azken emaitza gailu adimendun bat sortzea izango da, terapeutek ezarrita pazienteek egiten dituzten ariketak detektatzeko, grabatzeko eta aztertzeko gaitasuna izango duena. Gainera, erritmoari eta intonazioari buruzko orientazio adimentsu, moldagarri eta pertsonalizatua emango du Parkinsona duten pazienteen kasuan.
- Energia: ibilgailu elektrikoen floten kudeaketa denbora errealean koordinatzeko gaitasuna erakutsiko du pilotuak, eta bermatuko du haien karga DSOetako (Banaketa Sistemen Operadoreak) energia berriztagarrien gehiegizko ekoizpenarekin sinkronizatuta dagoela. Ibilgailu horiek efizientziaz koordinatu eta programatuko dira OASEESen SDKren eta kasuan kasuko antolatze-plataformaren bidez.
- Azpiegitura irisgaitzak: azpiegitura mota horretan (telekomunikazioetako mastak, adibidez) objektuak modu autonomoan ikuskatzeko, SWARMen jarduten duten droneak erabiltzen dira. Drone horiek ibilbideen plangintza dinamiko bat erabiltzen dute, prozesadore kuantiko baten bidez (QPU) optimizatua, efizientziaz ebazteko merkataritza-bidaiariaren problema (TSP). Horretaz gain, Sistema Neuronal Natural Sinbiotikoak (SNNS) erabiltzen dira ikuskapenean objektuak eta patroiak azkar eta energia-efizientziaz detektatzeko.
- Azpiegitura kritikoak: eraikinen egiturazko segurtasunaren ebaluazio adimenduna, egituren barruan zein inguruan instalatutako gailu sentsoreen bidez egina, etengabe gainbegiratzeko, eta egituraren osotasunarekin eta edozein jarduera sismiko potentzialekin lotutako datuak biltzeko. Datu horiek Night Watch sistemak prozesatzen ditu: adimen artifiziala eta beste algoritmo batzuk erabiltzen ditu sentsoreetatik datozen datu gordinak egiaztatzeko, iragazteko, zuzentzeko eta interpretatzeko.
- 4.0 industria: automatizazio robotiko kolaboratiboa. Koordinazio deszentralizatuko mekanismo bat ezarriko da zura lixatzeko prozesuan parte hartzen duten eragile guztientzat. Horrek barne hartzen ditu sistema robotikoak, hala nola industria-robotak eta robot kolaboratiboak, eta giza langileak.
- Haize-energia: BAMS sistemaren bidez (haize-sorgailuen palen monitorizazio akustikoko sistema) lagin akustikoak bilduz egingo da haize-sorgailuen mantentze prediktiboa. Prozesu horren bidez, akats posibleak identifika daitezke, haize-sorgailuen turbinen funtzionamenduaren errendimendua eta fidagarritasuna hobetzeko.
