"Estrategia horrek neurri proaktiboen eta egokitzapen-ekintzen bidez erresilientzia eraikitzeko oinarriak ezartzen ditu"
Neurri proaktiboen eta egokitzapen-ekintzen bidez klima-aldaketaren inpaktuei aurre egiteko funtsezko tresnak garatu ditu TECNALIAk.
Plan integral bat da, klima-aldaketaren inpaktuei (muturreko fenomenoak eta klima-aldakortasuna barne) heltzeko diseinatua. Estrategia horrek neurri proaktiboen eta egokitzapen-ekintzen bidez erresilientzia eraikitzeko oinarriak ezartzen ditu.
Testuinguru horretan, Pathways2Resilience (P2R) ekimenak, zeinean parte hartzen baitugu, funtsezko zeregina du eskualdeei egokitze-estrategia eraldatzaileak sortzen laguntzeko. Esparruak, Erresilientziarako Eskualde Bidaia izenez ezagutzen baita, etorkizuneko eszenatoki posibleak aztertuz ikuspegi partekatu bat eraikitzea du ardatz.
Horrek, narratiba positiboak lortzeaz gain, klima-trantsizioa, bidezkoa izan dadin, nolakoa izan beharko litzatekeen berdin ulertzea eragiten du, eta eskualdean aldaketarako potentzial espezifikoak eta palankak identifikatzen laguntzen du. Halaber, erabaki malguak hartzen laguntzeko tresnak ditu, hala nola egokitzapenerako ibilbide-orriak, eta horrek aukera ematen die eskualdeei agertoki eta soluzio potentzialak esploratzeko eta erresilientzia hobetzeko.
P2R tresna-kutxa
P2R tresna-kutxa garatu dugu. Funtsezko baliabidea da ekimenaren barruan, eta orientabide argia (gida baten bidez) eta funtsezko tresnak ematen ditu. 300 baliabide baino gehiago ditu eskualdeei informazio garrantzitsua biltzen eta klima-erresilientziarako estrategiak egituratzen laguntzeko. TECNALIAk egindako garapenen artean, helburu hauetarako tresnak nabarmentzen dira: kalteberatasunak eta arriskuak aztertzea, alderdi interesdunen parte-hartzea kudeatzea, etorkizuneko baldintza klimatikoekiko erresilientzia indartzeko jomugak ezartzea eta ekintza-planak eta soluzio-estrategiak garatzea.
Tresna-kutxa horrek, erresilientzia-estrategiak garatzen laguntzeaz gain, egin beharreko aldaketak ezartzeko behar diren baliabideak ematen dizkie eskualdeei, eta egin beharreko egokitzapenak gauzatzeko aukera emango duten baldintzak sortzea sustatzen du.
