Berritasuna hau da: robotaren mugimendua kontrolatzeko begizta berriak eta atzeraelikadura haptikoa optimizatzeko algoritmo berriak garatu dira.
KIRUHAP ekimenean parte hartzen dugu: hartan, telemanipulazioko eta kirurgialariarentzako ukimenezko atzeraelikadurako teknologia aurreratuak txertatzeko beharra ikertzen ari gara; eta Gipuzkoako sektore medikoko enpresak garatzen ari diren kirurgia robotizatuko gailu potentzialetan txertatzen ari gara sortutako ezagutza.
TECNALIAn, ikerketa-taldearen aldez aurreko esperientzia dugu, lehenago lan egin baitu robotika aurreratuaren, seinale-tratamenduaren eta gailuen erabilgarritasun-azterketen arloarekin lotutako beste garapen batzuetan.
Kontrol-begizta eta algoritmo berriak
Berritasuna hau da: robotaren mugimendua kontrolatzeko begizta berriak eta atzeraelikadura haptikoa optimizatzeko algoritmo berriak garatu dira. Honako hipotesi zientifiko hau da abiapuntua: kirurgialariaren eta robot teleoperatuaren arteko mugimenduen koordinazioan, hainbat erreferentzia-sistemak hartzen dute parte, eta erabiltzailearen garunak behar bezala interpretatu behar ditu: ikusizko informazioaren bidez (erabiltzaileak urrutiko eszenatik ikusten duena), eta sentitzen duenaren bidez (robota urrunetik kontrolatzen duten eskuetan).
Lortutako emaitzak
- Robot kirurgikoak kontrolatzeko eredu bat garatzea, telemanipulazio intuitiboa ematen duena kontrol-begiztetarako software batean inplementatua.
- Atzeraelikadura haptikoko teknologia garatzea, algoritmoetan inplementatua, kirurgialariak hobeto hauteman ditzan robotak pazientearen gorputzean eragiten dituen indarrak.
Informazio gehiago
Robot telemanipulatuen bidezko kirurgia robotizatuak baditu zenbait arazo, ospitaleetan modu orokorrean erabiltzea eragozten dutenak; kirurgialariak ez du ukimenezko atzeraelikadurarik (haptikoa), eta kirurgialariaren eskuen mugimenduen eta robotarenaren arteko koordinazioa ez da oso intuitiboa; horren ondorioz, nekea eta buruko karga agertzen dira.
Gainera, operazioan zehaztasuna falta da eszena interpretatzerakoan, hari buruzko informazioa (hiru dimentsioko) irudi endoskopiko baten bidez bakarrik lortzen baita, eta ez baita informaziorik lortzen pazientearen gorputzean tresna kirurgikoak manipulatzen ari den robotaren bidez kirurgialaria aplikatzen ari den indarrari buruz.
