Diagnostiko genetikoa (gaztelaniaz)
Kultiboan dauden enbrioiak aztertzeko eta ebaluatzeko sistema berri bat garatzea, analisi genetikoarekin batera ikasketa automatikoa eta irudien prozesamendu aurreratuko teknika berriak erabiliz. Bi teknologia horiek batera erabiltzeak aukera ematen du enbrioiaren kalitatea eta bideragarritasuna modu objektiboan baloratzeko eta, hala, gaur egungo ebaluazio-sistemaren subjektibotasuna minimizatzeko.
Lagundutako ugalketako zikloetan (in vitro ernalketa) sortutako enbrioiak kategorizatzea faserik kritikoenetako bat da prozesuan, haurdunaldi bat aurrera ateratzeko potentzial handiena duten enbrioiak hautatzea baitakar. Duela zenbait urte arte, irizpide horiek morfologikoak izan dira, batez ere, eta subjektibotasun-maila handia izan dute. Arestian, enbrioien analisi genetikoa sartu da hautespen-irizpide gisa, eta horrek objektibotasun-maila handiagoa ekarri du enbrioiaren bideragarritasun-potentziala kategorizatzeko orduan.
EMVISGEN proiektua in vitro ernalketako zikloetan sortutako enbrioien sailkapena hobetzeko helburuarekin sortu da; horretarako, adimen artifizialeko eta irudi-analisiko sistemen erabilera txertatu da, enbrioien kalitatea baloratzeko.
