Gure eskarmentua ipini dugu bildutako datuen geruza analitikoa eraikitzeko, mugikortasunaren portaera aztertzen duen Smart Mobility Lab laborategiaren bitartez
Bidemap ekimenaren bidez, zeinaren liderra Dinycon baita, udaletako kudeatzaileei laguntzeko tresna bat garatzen ari gara, smart cityetako oinezkoen mugikortasun erantsiaren portaera aztertze aldera.
Azterlanean, oinezkoen hiri barneko mugikortasunaren eredu prediktiboak garatzen ari gara: espazio publikoen erabilera, mugikortasun-fluxuak, jatorria-helmuga matrizeak eta bero-mapak. Udaletako kudeatzaileei laguntzea da helburua, hiri adimendunen testuinguruan.
Zerbitzu horiek Dinyconek bildutako mugikortasun-datuetatik abiatuta eraikiko bagenituen, datuak aztertzeko soluzioak sortu behar ziren ereduak eta joerak detektatzeko eta portaerak deskribatu eta aurreikusteko. Halaber, formatu erakargarrian eta udal-kudeatzaileek erraz interpretatzeko moduan islatu behar ziren: erabiltzen zailak ziren datu digitalak informazio aberats eta interpretagarri bihurtu behar ziren giza operadoreentzat.
Gure eskarmentua ipini dugu gure Smart Mobility Lab laborategiaren bitartez bildutako datuen geruza analitikoa eraikitzeko. Zehatz-mehatz, big data paradigman oinarrituta dagoen laborategi bat da, mugikortasunaren portaera aztertzen duena. Historikoki erregistratutako eta denbora errealean elikatutako datuak abiapuntutzat hartuta, oinezkoen hiri barneko mugikortasunaren epe laburreko eta luzeko eredu prediktiboak sortzen dira.
Balio baten epe laburreko bilakaera aurreikusteko metodoaren sarrera aurretik egindako irakurketen leiho bat da. Aldagai batekin baino gehiagorekin joka daiteke: sakonera, aurreikuspenaren horizontea eta testuinguruko informazioa.
Epe luzeko eredu prediktiboaren oinarria, berriz, datu ezagunetan ereduak detektatzean datza, datuak egunen, kanpoko beste faktore batzuen eta antzekotasunaren arabera multzokatuta. Datuen kalitatea hobetzeko teknika berrien oinarri moduan baliatzen dira eredu horiek; era horretan, bilketa-prozesua gainbegiratzeko beharra nabarmen txikiagotzen da.
Gaur egun, TECNALIAk sentsore birtualen teknikak esploratzen dihardu. Aurretiko ezagutza erabiltzen dugu sentsorerik ez dagoen sare-kokapenetan datu onargarriak sortzeko. Xede horrekin, sentsoreen arteko korrelazioak egiten ditugu eta, hala, sentsoreak denboran zehar era masiboan hedatzeko beharra txikiagotzen da.
Informazio gehiago
Dinyconek eskarmentu oparoa du kalitate oneko datuak biltzen, eta TECNALIA, berriz, mugikortasun-datuen bolumen masiboak aztertzen espezializatuta dago.
Bidemap ekimenaren finantzazioa I+G-a sustatzeko Hazitek laguntza-programatik dator.
