Ana Ayerbe gure lankideak Zibersegurtasunari buruzko Ikerketaren Bikaintasunaren Espainiako Sarearen ordezkari gisa jardun du INCIBEren Erosketa Publiko Berritzailea panelean.
Gure industria konektagarritasunaren alorrean puntakoa den MWV Barcelona kongresuan bilduko da. Ekitaldi horretan, aurrez aurre edo telematikoki konektatuta parte har daiteke, eta konpainia erakusketarien % 30ek online soilik parte hartuko du. Halaber, hitzaldi batzuk telematikoak dira, beste enpresa batzuekin sinergiak eta loturak sortzeko.
2020ko edizioa bertan behera utzi ondoren, ekitaldiaren antolatzaileek espero dute aurten 30.000 eta 50.000 lagun bitartean izatea kongresuan. Gainera, 300 erakusketari, 600 hizlari eta 350 startup izango dira kongresuan, 100.000 metro karratutan banatuta eta formatu digitalarekin konbinatuta.
Berrikuntza, lidergoa, bloke-kateak eta informazioaren jabetza
2021eko Mobile World Congress-eko gai nagusiak berrikuntza eta lidergoa dira, eta, horien artean, alderdi zehatz batzuk, hala nola informazioa kontrolatzeko eta haren jabetza bermatzeko blockchain roaminga. Industriaren, ekonomia mugikorraren, klimaren eta adimen artifizialaren esparruko genero-berdintasuna ardatz duten txostenak ere aurkeztuko dira. Oraindik ere, azken joera da mugikorrak tolesgarriak eta adimendunak izatea, eta hainbat kamera eta iraupen luzeko bateriak edukitzea.
Carme Artigas Digitalizazioa eta Adimen Artifizialeko Estatu Idazkariak ObservaCiber aurkeztu du; Telekomunikazioen eta Informazioaren Gizartearen Behatoki Nazionalak (ONTSI) eta Zibersegurtasun Institutu Nazionalak (INCIBE) elkarrekin egin dute proiektu hori, zibersegurtasunaren alorreko neurriei eta arriskuei buruzko adierazleak eta ikerketak garatzeko.
Ondoren, gure lankide Ana Ayerbek, Zibersegurtasunari buruzko Ikerketaren Bikaintasunaren Espainiako Sarearen ordezkari gisa, INCIBEren Erosketa Publiko Berritzailea izeneko panelean parte hartu du, Jose Ignacio Cases NOVADAYSeko presidenteak moderatuta. Panel horretan parte hartu dute, halaber, Lola Rebollo INCIBEko Industria eta I+G+B Sustatzeko atalaren gerenteak eta Santiago Soley PILDOLabs-eko CEOak.
