"SEARCHek erakundeei aukera emango die datuak modu seguruan partekatzeko eta aztertzeko, baina pazienteen informazio pertsonala iturrietatik atera gabe”
SEARCH ekimena abiarazi dugu, datu sintetikoen bidez osasun-arloko AAn berrikuntzak egitera bideratua
SEARCH ekimenaren helburua da kalitate handiko datu sintetikoak sortzea, pazienteen datu errealak imitatzen dituztenak, era horretan pribatutasuna eta indarrean dauden araudiak errespeta daitezen. Datu horiek AAn oinarritutako tresnak garatzeko erabiliko dira, diagnostiko zehatzagoak eta tratamendu pertsonalizatuak lortzeko eta osasun-emaitzak hobetzeko.
Ikasketa kolaboratiboko teknika aurreratuen bidez, SEARCHek erakundeei aukera emango die datuak modu seguruan partekatzeko eta aztertzeko, baina pazienteen informazio pertsonala beren iturrietatik atera gabe. Horrek berrikuntza bultzatuko du farmako, diagnostiko eta osasun-politika berrien garapenean, eta medikuntzan AA erabiltzea bizkortuko du.
Synthetic healthcare data governance hub (SEARCH) Europako ekimen bat da, osasun-ikerketa irauli nahi duena, horretarako datu sintetikoak eta adimen artifizialean (AA) oinarritutako soluzioak sortuz. Dublingo Trinity Collegek koordinatzen du SEARCH, eta hasierako aurrekontua 15,2 milioi euro da. Europa osoko 26 bazkide biltzen ditu; haien artean, datu sintetikoetan adituak, osasun-hornitzaileak eta garatzaile teknologikoak.
SEARCHen berrikuntza nagusiak
- Belaunaldi berriko datu sintetikoak: osasun-datuen erreplika errealistak sortzea, pribatutasuna zainduz.
- Federated Learning eta Data Clean Rooms for Privacy & Scale: erakundeen arteko lankidetza segurua, informazio sentikorra babestuz.
- AAko berrikuntza azeleratua: laguntza-tresnen garapena, datuetan oinarritutako erabaki medikoetarako.
TECNALIAren eginkizuna
TECNALIAren ekarpena bere esperientzia da; hain zuzen, anatomia patologia eta koloneko minbizia aztertzeko kasuetarako zenbait irudi-modalitatetan oinarrituta diagnostikoak egiten laguntzeko tresnak garatzen izan duena. Proiektu honetan, ikasketa sakoneko eredu multimodalak garatuko dira; haien artean, irudi eta datu klinikoen zenbait modalitate, tresna diagnostiko hobeak egiteko aukera emango dutenak medikuntza pertsonalizatua garatzen laguntzeko.
Lan honen parte gisa, proposatuko dira ereduen doitasuna hobetzeko aukera emango duten datuak eta irudiak sintetikoki sortzeko metodoak. Eredu horiek fase aurreklinikoetan baliozkotuko dituzte adituek, praktika klinikoan benetan erabil daitezen AAn oinarritutako tresna horiek.
SEARCH Partzuergoko kideak
SEARCH Partzuergoa Europa osoko 26 erakundek eta enpresak osatzen dute, eta nabarmentzekoa da haien diziplina anitzeko eta lankidetzako ikuspegia.
Hauek dira kideetako batzuk: Trinity College Dublin (koordinatzailea), IQVIA RDS Ireland Ltd, DQ Technologies AG, Medicalvalues GmbH, Corsano Health BV, Syntheticus AG, IBM Ireland Limited, Takeda Pharmaceuticals International AG, Philips Medical Systems Technologies Ltd, Thessalyko Unibertsitatea, Simula Metropolitan Centre for Digital Engineering, TECNALIA, Odense University Hospital, Region of Southern Denmark, Sahlgrenska University Hospital, Copenhagengo Unibertsitatea, Maggioli SPA, Ubitech Limited, Fundacio TIC Salut i Social, German Oncology Center, Motilent Limited, Amgen N.V., Hemex Benelux, Sant Pau Hospital, Hellenic Healthcare Group, Byte Solutions Unlimited eta Adaptit GmbH.
Europako ekimen honek arreta medikoa eraldatzeko potentziala du, osasun digitaleko berrikuntza hobetzeko eta merkatura soluzio berriak eramateko behar den denbora murriztu baitezake.
