"Funtsezkoa da kontsumitzaileak eta industria kontzientziatzea, proteinen balio-kate berriak arrakastaz ezartzeko"
INNOPROTEIN EBko proteina-arrakalarako soluzio jasangarri bat da
INNOPROTEIN ekimena bat dator "baserritik mahaira" estrategiarekin eta Europako "Green Deal" itunaren lehentasunekin: ustiatu gabeko proteina-iturri jasangarriak (ingurumenekoak, teknologikoak, ekonomikoak eta sozialak) jorratzen ditu Europaren proteina-autosufizientzia bizkortzeko. InnoProteinek proteinen Europaren autohornikuntza bultzatzen du, zenbait proteina-iturri jasangarri berri jorratuz (ingurumenaren, teknologiaren, ekonomiaren eta gizartearen aldetik jasangarriak). Helburu du kalitate handiko, zelulabakar-jatorriko (SCP) (mikroalgak, bakterioak eta onddoak) eta jatorri entomologikoko proteina alternatiboak eskaintzea elikagaietarako, pentsuetarako eta elikaduraz bestelako oinarri biologikoko aplikazioetarako, zirkulartasuneko eta ekoizpenean zero hondakin sortzeko ikuspegiarekin.
2050erako, espero da 10.000 milioira iritsiko dela munduko biztanleria. Hazkunde horrek ingurumen-, ekonomia- eta gizarte-erronka global handienetako bat planteatzen du: kalitatezko proteina nahikoa modu jasangarrian ekoiztea, haren ekoizpenak gaur egun baliabide naturalen gainean egiten duen presioa murriztuta.
Testuinguru horretan, Europar Batasuna (EB) kaltebera da, "proteina-arrakala" dela eta. Premia larria dago proteina-iturri jasangarri berriak lortzeko. Proteinak horiek, nutrizio-kalitate handikoak, osasungarriak eta funtzionalak izan behar dute, eta, era berean, azken erabiltzaileen beharrak eta itxaropenak ase behar dituzte elikagaien, pentsuen eta elikaduraz besteko oinarri biologikoko produktuen merkatuetan.
Proteina-iturri jasangarri berriak
INNOPROTEINek eragile anitzeko ikuspegi sendoa erakusten du. Ekimenean, 14 bazkidek parte hartzen dute: teknologia-hornitzaileak, industria-bazkideak, Europako bederatzi herrialdetako kontsumitzaileei zuzendutako bazkide bat…
Lankidetzazko ikuspegi horrek bermatzen du proiektua ondo kokatuta dagoela proteinak ekoizteko erronkei aurre egiteko eta Europan elikagaien jasangarritasunari eta segurtasunari laguntzeko.
