"Material anitzeko one-shot prozesuen bidez, egitura-kontzeptu berriak gara ditzakegu trengintza-sektorerako"
Trenbide-ibilgailuak material konposatuen bidez arintzeko egitura-kontzeptu berriak garatzen ari gara
Trengintza-sektoreko piezen tamainari, tipologiari eta ekoizpen-kadentziari egokitutako fabrikazio-prozesua garatzeko lanean ari gara, espezifikazio egokiak betetzen dituzten materialak erabiliz. Fabrikazio-prozesuen one-shot hibridazioaren kontzeptua asmatu dugu. Kontzeptu horrek moldearen barruan, infusio bertikaleko prozesu batean, matrize organikoko material konposatuak eta errefortzuko zuntz luzea integratzen ditu, hala nola aparrak edo profil pultruidoak.
Autoklabetik kanpoko ontzea duten material konposatuetan oinarritutako material anitzeko one-shot prozesu horiek dira egokienak sektoreko egitura-piezen tipologia honetarako.
PIVOT2 ekimenak trenen funtzionamenduaren fidagarritasuna eta jasangarritasuna areagotzen duten teknologiak garatzen ditu; Shift2Rail-en asmoak ezarri ditu, zeina baita merkatuak bultzatutako irtenbideetan oinarritutako ikerketaren eta berrikuntzaren aldeko Europako lehen trenbide-proiektua.
PIVOT2k tren-bagoi arinagoak sortu nahi ditu. Pisua murriztuta, efizienteagoak izango dira energiari dagokionez, erosoagoak bidaiarientzat eta eragin txikiagoa izango dute trenbidean, eta, hala, Europako trenbide-sistema osoaren efizientzia handitu eta bizi-zikloaren kostua murriztu ahal izango da.
Industrian nola aplikatzen den ikusteko erakusleak
Diseinu kontzeptualean, xehetasun-diseinuan eta fabrikazio-prozesu hibridoan murgilduta gaude, eta, azkenean, trenbide-osagai estruktural batzuen eskala-erakusleak sortuko ditugu. Bitartekoen galerian, bagoi-lurzoruaren prototipo eskalatu bat ageri da, segurtasun-estandar guztiak betetzen dituena, hala nola #EN45545-2 trenbide-ibilgailuen suteen aurkako babesari buruzko araudia.
Gainera, gure lanaren emaitza erakutsi dugu #TALGO-ren standean, INNOTRANS2022 azokan (Berlin), #TALGO tren-bagoiaren atal baten erakusle bat jarri baitugu ikusgai, eskala errealean egina.
Out of Autoclave material konposatuetan diseinatu eta fabrikatu da % 100, one-shot fabrikazio-prozesuekin, eta #EN45545 tren-ibilgailuen suteen aurkako babes-araudia betez.
