Konposatu bioaktiboak, biopolimeroak eta intereseko mikroorganismoak lortzera bideratutako prozesu bioteknologikoen (hartzidurak, zelula-kultiboak, erreakzio entzimatikoak) ikerketak egiteko ekipamendua du gure laborategiak.
Kokapena
Deskribapena
100 m2-ko azpiegitura bat da, hiru toki bereizi dituena: bioteknologiako laborategia, ekipamendu pilotuen laborategia eta mikrobiologiako areto zuria.
Prozesu bioteknologikoak optimizatu eta eskalaz aldatzeko eta lortutako produktuak karakterizatzeko mikroorganismo-hautespen onena egiteko ekipamendua du:
- Inkubagailu orbitalak, zentrifugagailuak, berogailuak eta autoklabeak (parametroak eta hazkuntza-inguruneak optimizatzeko); mikroorganismoak hazteko tresnak; eta/edo intereseko konposatuak lortzeko ekipamendua.
- Modu etenean, erdijarraituan eta jarraituan jarduteko gai diren 2, 5 eta 40 litroko biorreaktoreak, prozesuen eskala-aldaketa gauzatzeko.
- Agitazioa eta tenperatura-kontrola duten erreaktoreak, entzimak hautatzeko eta erreakzio entzimatikoak ezartzeko.
- Ganbera klimatikoa.
- Mikroplaka-irakurgailu espektrofotometrikoa.
Areto zuriko ekipamenduak:
- IIA motako segurtasun biologikoko kabina.
- Mikroanaerofilia-kabina, oxigeno-eskakizun zorrotzeko mikroorganismoekin lan egiteko.
- Elikagai-lagin solidoak txikitzeko homogeneizagailua.
Zenbait iturritako mikroorganismo bakartuen bilduma propio bat du. Prozesu hauek osatzen dute:
- Kultiboen analisi fisiko-kimikoa.
- Osagai eta mikroorganismoak babestu eta egonkortzea.
- In vitroko azterketak egitea.
- Lortutako produktuak baliozkotzea.
Nori zuzendua
- Elikagaien osagaien eta gehigarrien fabrikatzaileak.
- Osagarri nutrizional eta nutrazeutikoen fabrikatzaileak.
- Enpresa bioteknologikoak.
- Elikagai funtzionalen ekoizleak.
- Mikroorganismoen hornitzaileak.
