Giro-tenperaturan nahiz tenperatura altuan eta baxuan materialen eta osagaien saiakuntza mekaniko estatikoak eta dinamikoak (trakzioa, nekea, konpresioa, gogortasuna, inpaktua, flexioa) egiteko laborategia.
Laborategi honetan saiakuntza bereziak ere egiten ditugu, hala nola hausturaren, isurpenaren edo hondar-tentsioen neurketen saiakuntza mekanikoak.
Kokapena
Deskribapena
Laborategiak aukera ematen du saiakuntzak egiteko material metalikoetan, plastikoetan, konposatuetan, lotura itsasgarrietan eta lotura soldatuetan.
Hauek dira saiakuntza nagusiak:
- Trakzioa/konpresioa giro-tenperaturan, ganberetan (–70 °C-tik 300 °C-ra) eta labeetan (<1.100 °C).
- Brinell/Rockwell/Shore gogortasuna.
- Tolestea, 3 eta 4 puntuko flexioa (–70 °C-tik 300 °C-ra).
- Hausturaren mekanika (CTOD, KIC, J, GIC, GIIC) eta arrailaren hedapena (da/dN).
- Nekea: axiala (LCF, HCF, erresonatzailea 250 Hz-eraino), flexio birakaria eta ardatz anitzekoa.
- Isurpena (creep/stress rupture).
- Charpy inpaktua (300 °C-tik –196 °C-raino).
- Deformazioen monitorizazioa estentsometria bidez.
- Zizaila: planoan, planotik kanpo, lamina artekoa eta lotura itsasgarriak gainjartzearen ondoriozkoa.
- Iosipescu saiakuntza.
- Lamina arteko haustura I eta II moduetan.
Osagaientzat: neurrira egindako saiakuntzak (saiakuntzen diseinua).
Ekipamendu hau dugu:
- Makina unibertsalak (50 N-etik 1.000 kN-erainokoak).
- Rockwell, Brinell, Shore durometroak.
- Penduluak eta inpaktu-dorreak.
- Giro-ganberak (–70 °C-tik 300 °C-raino) eta labeak (<1.100 °C) makina unibertsalarentzat.
- Flexio birakari eta erresonatzaileak eragindako nekearentzako ekipamenduak.
- Isurpenaren saiakuntzetarako makinak.
- Ardatz anitzeko saiakuntza-bankua, 3 eragingailurekin (10, 50, 100 kN).
Erremintak eta probetak mekanizatzeko lantegia dugu, zeinak aukera ematen baitigu gure emaitzen trazabilitatea eta fidagarritasuna ziurtatzeko eta gure entrega-epeak murrizteko. Lotura itsasgarriak dituzten laginak prestatzen ditugu, lehortzeko/lehortu osteko zikloekin.
Nori zuzendua
- Energia berriztagarriak
- Osagai metalikoen fabrikatzaileak
- Transformazio metalikoaren industria
- Petrolioaren eta gasaren industria
- Eraikuntza-industria
- Aeronautikako, trengintzako eta automobilgintzako osagaien fabrikatzaileak
- Diseinu- eta mantentze-ingeniaritzak Azpiegiturak
Ziurtagiriak eta akreditazioak
ISO 9001 eta ISO 17025 ziurtagiriak dituen laborategia (ENACen 4/LE063 ziurtagiria)
AIRBUSek baimendutako laborategia aluminiozko, titaniozko eta altzairuzko laginetan trakzioaren kontroleko saiakuntzak egiteko, EN 2002-1 arauaren arabera (ASTM E8/ASTM B557).
Mateliaren saiakuntzetarako NADCAP MTL akreditazioa
