28aza.
Berria
ETEek ekintza klimatikoan dituzten erronkei heldu diegu
DIGIMETek soluzio jasangarri eta errentagarriak eskaintzen ditu metalak eta haien oxidoak dituzten azpiproduktu eta hondakin industrialak tratatzeko eta balioztatzeko, eta, orobat, balio handiko metalak berreskuratzea ahalbidetzen du.
Gure jardunaren oinarria plasma bidez berotutako eraginkortasun handiko labe metalurgiko bat da. Enpresak berak garatua da labe hori, eta patentaturik dauka.
Gure soluzioa
DIGIMET teknologia modular, berritzaile eta moldakorrean oinarritzen da; horri esker, gure bezeroen premiekin bat datorren zerbitzua eskaintzen dugu, hainbat hondakin-tipologiatara eta hainbat tratamendu-bolumenetara egokiturik.
Alde horretatik, gure soluzioak malguak, eraginkorrak eta errentagarriak dira berez, eta batere hondakinik sortzen ez duten prozesu industrialak definitzen dituzte, ekonomia zirkularraren ikuspegi argiarekin.
Teknologia
DIGIMETen teknologia bi patente-familiak babesturik dago. Alde batetik, prozesu metalurgikoen know-how zabala eta, bestetik, diseinu eta ingeniaritza industriala uztartzen ditu, hondakin-balio handiko metalak eta azpiproduktu industrialak berreskuratzeari aplikaturik.
Berreskuratze- eta balioztatze-sistemok potentzia handiko plasma termikoaren energian oinarritzen dira, eta, beraz, energia-kontsumo intentsiboak dituzten prozesu pirometalurgikoek karbono-aztarna eta ingurumen-inpaktua murrizten dituzte.
Abantailak
- Malgua eta moldagarria
- Ekonomikoki errentagarria berez
- Modularra
- Efizientea in-house tratamendurako
- «Zero hondakin» prozesuetara bideraturik
- Moldagarria azken erabiltzailearen premietara
- Inbertsioaren gaineko itzulera handia
Merkatua
Merkatuko egoera
DIGIMETek ekonomia zirkularreko soluzioak eman nahi ditu bere teknologia patentatuan oinarrituta, hondakin industrialetan dauden eta balioa eman dakiekeen elementuak aprobetxatuz, zero hondakin filosofiari jarraituz eta, are, hondakinak sortzen dituztenei berei hondakinak autokudeatzen utziz.
