EURECATek ibilgailu autonomoen zibersegurtasuneko gure laborategia bisitatu zuen, BDIHren Zibersegurtasun Nodoaren parte dena.
SPARTA ekimenean, ibilgailu konektatuen segurtasuna ebaluatzen eta hobetzen dihardugu; ibilgailu horiek modu autonomoan gidatzen dute platoon bat osatuta: erresistentzia aerodinamikoa murrizteko elkarrengandik oso hurbil zirkulatzen duen ibilgailu taldea. Horrela, energia-kontsumoa eta CO2-emisioak murrizten ditugu.
EURECAT zentro teknologikoak ibilgailu autonomoen zibersegurtasuneko gure laborategia bisitatu zuen. Eta, TECNALIAko taldearekin batera, sartze-testa egin zion Model Cars-eko flota bati, ibilgailuak elkarrekin eta koordinatuta platoon bat osatuz zirkulatzen ari ziren bitartean.
Platooneko kide bakoitzak, bere CACC sistemari esker (cooperative adaptive cruise control), abiadura egokitzen du bere sentsoreen datuetan eta beste ibilgailuekin trukatutako informazioan oinarrituta. Halaber, kontraneurri berriei buruzko ikerketak ere egin dira, osagai hori zaurgarri zaien zibererasoei aurre egiteko.
Sartze-testaren helburuak
EURECATek eta TECNALIAk egindako sartze-testak bi helburu nagusi izan ditu. Alde batetik, autoek elkarrekin informazioa trukatzeko erabiltzen duten WIFI sareari eraso zaio, ibilgailuen arteko komunikazioak eteteko, eta platooneko ibilgailuen arteko talkak eragiteko.
Bestetik, oztopoak detektatzeko ultrasoinu-sentsoreari eraso zaio, hura engainatzeko, ibilgailuaren bidean existitzen ez diren oztopoak hauteman ditzan. Erasoaren ondorioz, ibilgailua gelditu egiten da, eta, hala, saihestu egiten da oztopoaren aurka talka egitea eta platooneko gainerako ibilgailuak gelditzea.
Informazio gehiago
