Zer garapen eta soluzio ditugu teknologia fotovoltaikoetan?

• Jasangarritasuna bultzatzen dugu eraikinetan, garraiobideetan eta nekazaritza-lurzoruan, besteak beste. Izan ere, soluzioak zelulan eta moduluan aplikatzen ditugu, energia-bihurketa eta -kudeaketa egiten dugu, eta instalazio fotovoltaikoen eragiketetan eta mantentze-lanetan dihardugu (E&M).
• Gure sistemak ezarri ondoren lortzen diren elementuak energetikoki efizienteagoak eta iraunkorragoak dira, kontuan hartzen baititugu moduluen eta egituren karakterizazioa eta diseinu elektrikoa, termikoa, optikoa eta mekanikoa.
• Material eta fabrikazio-prozesu berrien bidez egiten dugu hori.
• Zure sistema fotovoltaikoen optimizazioa eta errendimendu ekonomikoa lor dezakegu, energia-bihurketarako eta -kudeaketarako eta E&M-rako aplikazioak garatuz: potentzia-kontrol eta -bihurketako sistemetarako, energia-kudeaketako sistemen diseinurako eta datuen analisirako hardwarea eta firmwarea.
• Teknologia fotovoltaikoak garatzen eta sortzen laguntzen duten azpiegitura bereziak ditugu: moduluen fabrikazio-lerroa, karakterizazio- eta saiakuntza-laborategiak, potentzia-elektronikako eta mikrosareko laborategiak, outdoor saiakuntzarako espazioak.